注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

Alex

偏爱

 
 
 

日志

 
 

09.06.2009  

2009-06-09 11:38:34|  分类: SEnsE |  标签: |举报 |字号 订阅

  下载LOFTER 我的照片书  |

系个f個度見到,“低能,勁搞笑”,很有“煎”距噶沖動!

超琴日,有個女仔叫我幫佢介紹男朋友。以下係對話:
MM:幫我介紹個男朋友啦。
ME:妳之前果個呢?對妳幾好嘎,散佐咩?
MM:對我係好好,不過冇錢,份工冇前途!我同佢分佐啦。
ME:咁妳想搵點樣嘎?咩条件啊?
MM:唔使好靚仔,要人好,最重要係有錢!
ME:咁幾錢先叫有錢?幾錢符合妳要求?
MM:肯定有車有樓啦,有公司,要寶馬或者BENZ,
ME:哦,我識得好多,我哋D車主基本上個個都開公司,而且我哋D車唔差得過寶馬同BENZ。
MM:咁妳唔介紹俾我識???
ME:介紹俾妳啊?果D人要求好高,要够靚要够高仲要有氣質。我見到人哋D女朋友都係模特兒啊、明星仔啊或者好有氣質嘅OL咁喔。
MM:我自問都係靚女啊。
ME:但妳企埋人哋果個圈子呢???
MM:咁你即係踩我嗟?係咁啦,唔想同你讲! 
.........................................................................................
其实唔係我想踩妳,係妳唔踩唔得。

我要踩妳,都要妳瞓喺度嘎,妳企得高企得直嘅話,試問我又點起到腳呢?
呢個世界,好多女人中意扮上菜,或者妄想自己係上菜。
一直嘆揾唔到好条件嘅男人。 關鍵係,妳為咗得到妳想要嘅妳做咗幾多準備?妳有幾多資本?妳遇上一個好男人,妳憑乜嘢去獲得對方贊賞?
妳想揾個身家一千萬,妳自己至少也該有一百萬去襯翻人哋嘎。當然,我嘅意思唔係指确切嘅錢,而係資本。
妳嘅才華、學歷、職業、品格、樣貌身材、氣質談吐、知識閱歷仲有妳嘅家底!
唔好着重處女,但保持純潔!等等都係做上菜嘅資本。 哩D,都要靠自己
有男人對妳好嘅时候,你嫌三嫌四,吊高嚟賣。當妳覺得妳個男人冇前途嘅时候,
係咪都應該檢討下自己有冇資本呢?
當妳自己有資本嘅时候,更有資本嘅男人自然會搵上門,使咩妳自己搵得咁辛苦嗟。 記住,上菜通常都唔外賣嘎!
好似我哩个女性朋友咁,覺得自己係上菜,要金盘玉盏先配得起,咁嘅话,祗能慢慢等,等到變隔夜菜咯。
一個自身唔努力,旨意曬個男人嘅女人,就算幾靚,都祗能得到男人嘅歡心同錢,永遠得唔到愛同尊重。
哩個社會無論男女,個個都好現實, 冇人唔想過更好嘅生活,搵到条件更好嘅伴侣。
祗不過男人冇女人咁幸福。 男人知道,我要得到哩一切,必須要自己去努力搵錢去實現。

----------------------------------------------------------------------------------

同樣道理,
好多男人都話要搵個樣靚身材正,条件好嘅女人做老婆,  但係你又有幾多斤兩??
同緊自己女友时, 又嫌三嫌四!
嫌人波唔够大! 腿唔够修長! 樣唔够靚! 學歷唔够高!工資唔够多!
見到第个条件好嘅靚女果陣, 又朝三暮四, 搞曖昧關係!
多次約會靚女出嚟食飯,  食完就喺兄弟面前曬命 :
"琴日,我同佐XX靚女去咗邊度邊度食饭"
"上星期,我同佐XX靚女去咗邊度邊度睇戲"
喺兄弟面前,或者你會好有面子!
但係你咁做又有咩用?有咩用???你估佢哋會同你過人世咩???? 会同你挨?
咪傻啦!!!!!喺度浪費時間,浪費金錢,浪費青春!
正一傻佬!多做D對你事業有幫助嘅事好過啦!

你憑咩去追果D条件好嘅靚女?而掉低你嘅正牌女朋友? 你有咩準備去追人哋?
你供得起人地每日一樽 S&K Ⅱ ? 你供得起人哋所有名牌衫?
男人啊! 男人! 對住塊鏡,打開銀包睇下,自己有幾多斤兩,
冇? 咁就腳踏實地,安守本份做人啦! 多D關心下你身边嘅佢,多D愛錫你身邊嘅佢算罢啦!
其實拣伴侣同拣車一樣!當我哋開住部小車喺條路飛緊嘅时候,
不時咁有好多法拉利、保时捷咁嘅靚車擦身而過,直至消失遠去......
貪靚嘅我哋不時咁回望同幻想! 黯然回過神来,睇下自己果部小車,其實我部小車都唔錯,
一直以嚟安稳、舒适咁車住我哋上山下海!不離不弃!直到永遠!
好多嘢都係可遇不可求嘎!望下就好啦! 千其唔好為咗試着件晚装,而放弃咗件溫暖牌,
晚装雖華麗 ,但最多祗能着出嚟,喺眾人面前曬一曬命,過眼雲烟,一瞬即逝!
而且着起身會好大壓力"因为佢太貴重" !!
溫暖牌雖平凡 但祗有溫暖牌先可以俾到舒服、柔軟、溫暖嘅感覺你,
係永遠嘅,唔變嘅,冇壓力嘅! 因平凡先可以帶俾你純凈舒服嘅感覺!!
 

  评论这张
 
阅读(100)| 评论(1)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017